പ്രവാചകാ.....
അങ്ങെനിക്കിരുട്ട് കാണിച്ചു തന്നു
പ്രകാശത്തിലെനിക്കു ജ്ഞാനസ്നാ‍നം ചെയ്തു
മതി
ഇനി നിനക്കു തരാന്‍ എന്നില്‍ കാട്ടുതേനവശേഷിക്കുന്നില്ല
നിന്റ്റെ തീര്‍ത്ഥ ജലം എന്നെ മത്തു പിടിപ്പിക്കും മുന്‍പു
ആ സാ‍ന്ദ്രസ്വരത്തില്‍ ഞാന്‍ അലിഞ്ഞു പോകും മുന്‍പു
നിന്റെ ചത്ത കണ്ണുകലുടെ പാനപാത്രം എന്നില്‍ നിന്നു മാറ്റുക
ഇനിയും വരും വിശ്വാസികള്‍, അണലി സന്തതികള്‍
അവിടുത്തെ ശകാരങള്‍ക്കു വഴിപ്പെടുന്നവര്‍
നിന്റെ തണുത്ത വിരലുകള്‍ക്കു അവര്‍ ഭക്ഷണം നല്‍കും
ചുംബനങ്ങളുടെ ഓര്‍മ്മയില്ലാതെ
പ്രണയത്തിന്റെ മേല്‍ വിലാസങ്ങളില്ലാതെ
പിരിയുകയാണു നമ്മള്‍
കാല്പാടുകള്‍ അവശേഷിപ്പിക്കാതെ.
1 comment:
വരികളില്‍ സ്വയം കാണുന്ന പോലെ....കണ്ണാടിയാവുന്നു നിന്റെ വരികള്‍
Post a Comment