നീയും ഞാനും അക്ഷരങ്ങള്‍ക്കു പങ്കു വെക്കാന്‍

മനസില് തീ കൂട്ടി വെക്കുന്നവര്‍

എപ്പൊഴോ:

നമ്മളറിയാതെ തീ കെട്ടുപോകുന്നു;

എന്റെ ഭ്രാന്തിനു ശമനജലം നല്‍കുവാന്‍

കത്തികൊണ്ടിരുന്ന ചിതയില്‍ നിന്ന്

ആത്മാവിനെ വലിച്ചുനീക്കുവാന്‍

നീ വരരുതായിരുന്നു;
എനിക്ക് അനാഥത്വമാണു പരിചയം,

കീറിമുറിക്കുന്ന കണ്ണുകളോട് എതിരിടാനാണെനിക്കിഷ്ടം.

അദൃശ്യമായ ചങ്ങലകളാല്‍

തൊട്ടറിയാന്‍ പറ്റാത്ത കൂടുകളാല്‍

ഞാന്‍ ബന്ധിക്കപെട്ടിരിക്കുന്നു .
ഇത് തീ പകര്‍ന്നു തന്നതിനന്റെ ശിക്ഷ;
കഴുകന്മാറ്ക്കു കീറിമുറിക്കാന്‍ കരളും

മരിക്കാത്ത മനസ്സും ബാക്കി.