എന്നുള്ളിലുള്ളോരു കണ്ണനല്ലാതൊരു
കണ്ണനില്ലെന്നേ നിനച്ചുള്ളൂ
-അയ്യപ്പപ്പണിക്കര്‍
-അയ്യപ്പപ്പണിക്കര്‍
കണ്ണന് ഞാന്‍ കളിപ്പാട്ടമാണ്,
ജന്മങ്ങള്‍ മാറിയെടുക്കാവുന്ന ലോഹപ്രതിമ-
ജന്മങ്ങള്‍ മാറിയെടുക്കാവുന്ന ലോഹപ്രതിമ-
ഇടക്കെപ്പോഴെങ്കിലും കണ്ട് രസിക്കാന്‍
യാഗങ്ങളില്‍ വാമഭാഗം വഹിക്കാന്‍
ചോദ്യങ്ങളില്ലാതെ തിരിച്ച് നടക്കാന്‍
വാരിയെല്ലുകളൂരിയെടുത്ത് വളര്‍ത്തുന്നതാണെന്നെ;
പ്രണയമിതിഹാസങ്ങളില്‍ പറഞ്ഞു നടക്കുമ്പോള്‍
കണ്ണനെ പത്നിമാര്‍ക്കിട്ട് കൊടുത്തിട്ട്
ഒറ്റക്ക് വിരഹവും പ്രണയവും താങ്ങുവാന്‍
മുനിമാരുരുക്കിയെടുത്തതാണെന്നെ;
പ്രേമമൊരു കഥയല്ലെ?
കാളിന്ദി സ്വപ്നങ്ങളും,
അപ്പോള്‍
രാധയോ?
