കണ്ണാടി

എന്റെ നിലക്കണ്ണാടിക്കുള്ളില്

ഒരു പെണ്ണ് താമസിക്കുന്നുണ്ട്;

ചില്ലുഭിത്തിക്കപ്പുറമിരുന്ന്

അയല്‍ക്കാരിയെ കൌതുകത്തോടെ നോക്കുന്നവള്

എന്റെ പൊട്ടിന്റെ ചരിവും പുരികത്ത്തിന്റെ വടിവും

സൂക്ഷ്മതയോടെ അളക്കുന്ന ഒരുത്തി-

അവളുടെ കണ്ണുകളില്‍

വസ്ത്രങ്ങളെ മുറിച്ചു കയറുന്ന വഴിയോരക്കണ്ണുകള്

അറിയാതെ അശ്ലീലം പറയുന്ന ബസ് യാത്രക്കാര്

സ്പര്‍ശങ്ങളില്‍ ആനന്ദം കണ്ടെത്തുന്ന ഞരമ്പുരോഗികള്

‍ഷാള്‍‍ കൊണ്ടു ശരീരം മറച്ചു

പുറത്തേക്കിറങ്ങുമ്പോള് ഓര്‍ത്തുപോയി

എന്റെ കണ്ണാടിയും

എനിക്കെതിരോ, ദൈവമേ?